ՀՀԿ տատիկն այսօր նորից կառավարության մոտ էր: Այս անգամ բերել էր Ղարաբաղում ծառայող թոռնիկի պատվոգիրը և հպարտորեն ցույց էր տալիս: Նա չմոռացավ վերստին գովաբանել ներկա իշխանություններին և հիշել նախորդներին:
«Բոյը վիթխարի, գլուխը ոչխարի, նախագահ ունեմ, աշխարհի չունի: Սերժ Ազատի Սարգսյանին. սիրում եմ ես քեզ, կյա՛նք, որովհետև լավն ես, Ղարաբաղի դիրքերում ես կռվել, հայրենասեր ես, այստեղ կառավարության շենքը վերակենդանացման բաժին չէ, մարդիկ թող աշխատացնեն ուղեղները»,- սկսեց նա սիրո խոստովանությունը:
Նա հիշեց նաև նախկին վարչապետ Անդրանիկ Մարգարյանին. «Նա հասարակությանը թողեց հրեշտակի տեսքով մի զավակ՝ Տարոն Մարգարյան, Երևանի քաղաքապետ. արժանի է գովեստի»,- հավելեց ՀՀԿ-ի տատիկը: Ապա նա շնորհակալություն հայտնեց Սերժ Սարգսյանին. «Շնորհակալություն, սիրելի՛ նախագահ, որ նման քաղաքակիրթ աշխատակազմով եք շրջապատվել»:
ՀՀԿ-ի տատիկը չմոռացավ նաև Լևոն Տեր-Պետրոսյանին. «Հանգի՛ստ թող երկիրը, հեռացի՛ր, հեռացի՛ր քաղաքական դաշտից, մենք պիտանի և դաստիարակված զավակներ ունենք, որ նվիրում ենք հասարակությանը: Ամբողջ Հայաստանի գործարանները գնացել են արձակուրդ ու այդպես էլ չեն վերադարձել, երկիրը լավ քանդեցին, իսկ այժմ հանդես են գալիս շապիկը փոխած կոնգրես»:
Ավելին՝ տեսանյութում:
