Մեծ Բրիտանիայի հարավում՝ Իսթբորնում, հրդեհ է բռնկվել, ինչի հետևանքով վնասվել է Վիկտորյա թուգուհու ժամանակների կառամատույցը: Հրդեհը բռնկվել է հուլիսի 30-ին, ժամը 15:00-ին, ափամերձ գծից 50 մ հեռու գտնվող շենքում՝ հայտնում է Reuters-ը:
Արևելյան Սասեքսի հրշեջ ծառայությունում հայտնել են, որ հրդեհը բռնկվել է խաղային ավտոմատների սրահում: Դեպքի վայր է ժամանել մոտ 60 հրշեջ մարտական հաշվարկ: Մոտակա քաղաքներից դեպքի վայր են ուղարկվել նաև փրկարարական նավակներ՝ հայտնում է Associated Press-ը:
Կառամատույցի վրա եղած մարդիկ տարհանվել են: Նախնական տվյալներով՝ զոհեր և տուժածներ չկան: Սակայն լրջորեն վնասվել է կառամատույցի փայտե մասը: Անվտանգության ծառայությունում հայտնել են, որ քաղաքի վրա սև ծխի հաստ շերտ է գոյացել:
300 մ երկարությամբ Իսթբորնի կառամատույցը կառուցվել է 1870թ.: Դա հարսանիքների ամենահայտնի վայրերից է, նաև զբոսաշրջիկների ու տեղի բնակիչների ժամանցի վայր:
