Վենեսուելայի նախագահ Ուգո Չավեսի առողջական վիճակը դարձել էր նախընտրական պայքարի գործոն: Նրա հակառակորդները հաստատում են, որ Կուբայում բուժման նպատակով գտնվող նախագահն իրեն շատ ավելի վատ է զգում, քան կարելի է ենթադրել պաշտոնական հաղորդագրություններից: Չավեսը նույնիսկ դադարել է սոցիալական ցանցերով համաքաղաքցիների հետ շփվել: Դեկտեմբերի 16-ին՝ նահանգապետերի և տեղական ինքակառավարաման մարմինների ընտրությունների ժամանակ, ձևավորված «իշխանական վակուումից» ընդդիմությունը մտադիր է օգտվել: Սա հոկտեմբերյան պարտության դիմաց ռևանշի հիանալի հնարավորություն է: Այս մասին գրում է Kommersant-ը:
Ուգո Չավեսը, որը մշտապես առաձնացել է հրապարակային երկարաժամ ելույթների հանդեպ իր սիրով, երկու ամիս առաջվանից գրեթե անհետացել է մեդիադաշտից: Հոկտեմբերի 7-ի վեընտրվելուց հետո նա մի քանի անգամ է հայտնվել հեռուստաէկրաններին: Վերջին անգամ դա տեղի է ունեցել նոյեմբերի 15-ին: Հիշեցնենք, որ նա անցած տարի ենթարկվել էր ներկոնքային թարախակույտի հեռացման վիրահատության:
Չավեսի նոր այցը Կուբա շշուկներ է առաջացրել նրա առողջական վիճակի մաիսն: Նրա մանդատի ժամկետը լրանում է 2019 թվականին: Իսպանական ABC թերթի փոխանցմամ՝ Չավեսը ոսկրի մետաստազներ ունի, այնպես որ առաջիկայում նրան քիմիաթերապիայի ևս մեկ կուրս անհրաժեշտ կլինի: Վենեսուելայի իշխանությունները համաքաղաքացիներին կոչ են անում չհավատալ շշուկներին: Փոխնախագահ Նիկոլաս Մադուրոյի խոսքով՝ Չավեսը բուժական պլան է անցնում՝ երկիրն առաջիկա 6 տարիներին նոր ուժերով , ավելի խելամիտ կառավարելու համար:
Չավեսը 15 երկրներում նոր դեսպանների նշանակումների մասին հրամանագրեր է ստորագրել: Դա հայտնի է դառնում Տեղեկատվության նախարար Էռնեստո Վիլեգասի թուիթերյան էջից: Անձամբ Չավեսը միկրոբլոգների ցանցում հաղորդագրություն չի թողել նոյեմբերի 1-ից:
Փորձագետների կարծիքով՝ Չավեսի վիճակի մասին շատ բան պարզ կդառնա վաղը, Բրազիլիայում Հարավային Ամերիկայի երկրների ընդհանուր շուկայի՝ MERCOSUR-ի գագաթնաժողովի ժամանակ: Երեկ Կարակասում Բրազիլիայի դեսպան Ժոզե Անտոնիու Մարկոնդես դե Կարվալյուն վստահեցրել էր, որ Չավեսն անպայման կմասնակցի պետությունների ղեկավարների հանդիպմանը:
