Հինգշաբթի օրը ՆԱՏՕ-ի խորհուրդը համաձայնել է Patriot հրթիռային համակարգեր տեղակայել թուրք-սիրիական սահմանին։ Սա, Թուրքիայի ԱԳՆ հայտարարության համաձայն, ունի միայն պաշտպանական դեր:
«Ձեռնարկված միջոցառումները ոչ մի դեպքում հարձակողական նպատակ չունեն»,- ասվում է հայտարարության մեջ: Դրանում նշվում է նաև, որ այս քայլն ուղղված չէ ոչ թռիչքային գոտի ստեղծելուն: Patriot համակարգերը տեղադրվում են ռազմատեխնիկական վերլուծությունների հիման վրա:
Թուրքական ԶԼՄ-ների տեղեկությունների համաձայն՝ դրանք կտեղադրվեն Դիարբեքիրում, Մալաթիայում և Հազիանթեփում՝ երկրի հարավարևելյան շրջաններում: Patriot–ները կկառավարվեն Գերմանիայում ՆԱՏՕ-ի «Ռամշտայն» բազայից: Այդ համակարգերը Թուրքիայի տարածքներում արդեն տեղակայվել են 1991 և 2003 թվականներին, առաջին և երկրորդ իրաքյան պատերազմների ժամանակ, սակայն իրենց նպատակին չեն ծառայել:
