«Որտե՞ղ են հանրապետության փողերը». այսօր ԱԺ նիստում 2013թ. բյուջեի քննարկման ժամանակ նման հարցադրում արեց ՀԱԿ պատգամավոր Հրանտ Բագրատյանը՝ հիշելով հայտնի ֆիլմը: Խոսքը վերաբերում էր ՀՀ արտաքին պահուստներին, որոնք, Հ. Բագրատյանի խոսքով, իրեն չի հաջողվում գտնել փաստաթղթերում:
Հ. Բագրատյանը զեկուցող նախարար Վաչե Գաբրիելյանից հետաքրքրվեց՝ արդյոք ՀՆԱ ներկայացված ցուցանիշում՝ 4 տրլն 567 մլրդ դրամ, ստվերը կա՞, թե՞ ոչ:
Գաբրիելյանը հայտնեց, որ արտաքին պահուստների վերաբերյալ հաշվետվություն տալիս է ԿԲ-ն, պարբերաբար աուդիտ է անցկացվում միջազգային անկախ կազմակերպությունների կողմից և հրապարակվում է, բայց ամբողջ ցուցանիշները բացելը նպատակահարմար չէ: Սա սահմանված է օրենքով:
Ստվերի վերաբերյալ նախարարը նշեց, թե կա լրահաշվարկի մաս, և վիճծառայության հրապարակած ՀՆԱ ցուցանիշում ընդգրկված է ստվերը:
