ՀԱԿ համակարգող Լևոն Զուրաբյանը «Առաջին լրատվական»-ի հետ զրույցում տեղեկացրեց, որ իրենք ՍԴ դիմելու համար հավաքել են 34 ստորագրություն:
Հիշեցնենք, որ ՀԱԿ-ը ցանկանում էր ՍԴ դիմել՝ վիճարկելու համար ԱԺ կանոկարգ օրենքի այն դրույթը, որի համաձայն՝ քվորում ապահովելու համար անհրաժեշտ է 66 պատգամավոր: ՀԱԿ-ը կարծում է, որ սահմանադրությունը հնարավորություն է տալիս քվորում ապահովել նաև 44 պատգամավորով: Իսկ ՍԴ դիմելու համար անհրաժեշտ է 27 պատգամավորի ստորագրություն:
Այսօր ԱԺ նիստի հենց սկզբին նիստերի դահլիճում ԲՀԿ քարտուղար Նաիրա Զուրաբյանը իրենց պատգամավորներից ստորագրություններ հավաքեց, որպեսզի ՍԴ դիմելու համար անհրաժեշտ քանակը ապահովի:
Տեղեկացնենք նաև, որ ՀԱԿ-ի այդ նախաձեռնության տակ ստորագրել էին ՀԱԿ, ԲՀԿ, «Ժառանգություն» խմբակցության 34 պատգամավորներ: ՀՅԴ-ն չի միացել:
Լևոն Զուրաբյանը ասել է նաև, որ անհրաժեշտ փաստաթղթերը հավաքելուց հետո կդիմեն ՍԴ, բայց չի կոնկրետացրել, թե դա որ օրն է լինելու:
