ԱՄՆ Հանրապետական կուսակցությունը՝ մերժելով դեմոկրատ նախագահ Բարաք Օբամայի աշխատակազմի առաջարկը, հանդես է եկել բյուջետային պակասուրդը 10 տարում 2.2 տրլն դոլարով կրճատելու սեփական ծրագրով: Այս մասին հաղորդում է Bloomberg-ը՝ հղում կատարելով ԱՄՆ Ներկայացուցիչների պալատի խոսնակ Ջոն Բոների նամակին՝ ուղղված ԱՄՆ նախագահին:
Հանրապետականներն առաջարկում են պակասուրդը նվազեցնել 800 մլրդ դոլարով՝ շնորհիվ հարկային բարեփոխումների արդյունավետության, որն ի վիճակի է փակել «օրենսդրության բացերը»:
Եվս առնվազն 900 մլրդ դոլար պետք է բերի այն միջոցների խնայողություն հնարավոր է անել սոցիալական ապահովության վճարների և բժշկական ապահովագրության կրճատման հաշվին:
Հայեցողական ծախսերի կրճատումը (որոնք առաջնային չեն պետության համար) թույլ կտա պակասուրդը նվազեցնել ևս 300 մլդ դոլարով: Բացի այդ, ծրագրով նախատեսվում է բարձրացնել կենսաթոշակային տարիքը, սակայն նշագիծը կոնկրետ չի նշվում: Ենթադրվում է, որ այդ միջոցառումը գանձարանը կհարստացնի 100 մլրդ դոլարով:
Առավել մեծ տարաձայնությունների տեղիք են տալիս հարկային բեռի մեծացմանը և սոցծրագրերի ծախսերի կրճատման հետ կապված հարցերը:
Սպիտակ տունը չի ցանկանում կրճատել քաղաքացիների սոցապահովության վճարները: Հանրապետականներն այդ մոտեցումն անվանում են անարդար՝ նրանց կարծիքով չի կարելի ծանրացնել խոշոր հարկատուների առանց այդ էլ ծանր բեռը:
Հանրապետականների ու դեմոկրատների միջև տարաձայնությունները շարունակում են բացասաբար ազդել ամբողջ աշխարհի ֆոնդային շուկաների վրա:
