Ռուսական Ria Novosti լրատվական գործակալության փոխանցմամբ՝ Ռուսաստանի նախագահ Վլադիմիր Պուտինը Թուրքիայի վարչապետ Ռեջեփ Էրդողանի հետ համատեղ մամուլի ասուլիսի ժամանակ չի բացառել Թուրքիայում «Երկնագույն հոսք» գազատարի ընդլայնման հնարավորությունները՝ երրորդ երկրների շուկաներ դուրս գալու համար.
«Թուրքիան Եվրոպայի համար վերածվում է էներգետիկ հանգույցի: Մեզ համար առաջնահերթ է մեր հումքը հիմնական շուկաներ արտահանելու երթուղիների դիվերսիֆիկացումը: Գործում է «Երկնագույն հոսք» գազատարը, որով մենք տարեկան 16 միլիարդ խորանարդ մետր գազ ենք մատակարարում ուղիղ Թուրքիային: Ես չեմ բացառում, որ մենք պայմանավորվենք դրա ընդլայնման շուրջ, այդ թվում՝ նաև երրորդ երկրների շուկաներ դուրս գալու ելքով»:
2011 թվականի դեկտեմբերին Թուրքիան և Ռուսաստանը պայմանավորվել են ռուսական գազի երկարաժամկետ գազամատակարարումների շուրջ՝ մինչև 2021 և 2025 թվականները: Թուրքիան ռուսական գազի երկրորդ խոշոր գնորդն է՝ Գերմանիայից հետո:
