Երեկ երեկոյան ժամը 19:00-ին Գաֆէսճեան արվեստի կենտրոնում «Կարին» համույթի անդամները բոլոր ցանկացողներին սովորեցնում էին հայկական ավանդական պարեր:
Կարին անունը ծագում է Արևմտյան Հայաստանի տարածաշրջանի անունից, որը ներկայումս հայտնի է Էրզրում անվան տակ: «Կարին» համույթը զբաղվում է հին հայկական, հատկապես Արևմտյան Հայաստանի ազգային պարերի ավանդույթների պահպանմամբ և վերականգնմամբ: Համույթի ղեկավար Գագիկ Գինոսյանը, յուրաքանչյուր հանդիպմանը Գաֆէսճեան քանդակների պարտեզում ներկայացնում է տվյալ պարի պատմական ակնարկը, նշանակությունը, նաև տալիս է ավանդական տարրերի մեկնաբանությունը: Պարոն Գինոսյանը բացատրում է, որ անկախ հեթանոս կամ քրիստոնյա լինելուց, հայ ժողովուրդը միշտ ձգտել է բարության՝ պայքարելով չարի դեմ, ինչն իր արտահայտությունն է գտել նաև մեր ժողովրդական պարերում:
Կարին համույթի անդամներն իրենց հայկական ավանդական տարազներով համախմբում են հանրությանը տոնական շուրջպարի ներքո, միառժամանակ սովորեցնելով նրանց ավանդական պարերի նրբությունները:
Մայիս-սեպտեմբեր ամիսներին, ամեն ամսվա վերջին ուրբաթ կամ շաբաթ օրը, հարյուրավոր մարդիկ, անկախ եղանակից, միավորվում են հայկական պարերի շուրջ, և Գաֆէսճեան քանդակների պարտեզում տածում է հայկական ինքնության շունչն ու ոգին:
