Грузия Online-ի փոխանցմամբ՝ ժողովրդական դիվանագիտության և հասարակական կապերի գծով ԱՄՆ պետքարտուղարի երկրորդ տեղակալ Բեյ Ֆենգը Թբիլիսի է ժամանում դեկտեմբերի 3-4-ը: Այս մասին հայտարարել է Վրաստանում ԱՄՆ դեսպանատունը:
Վերջինիս հաղորդմամբ՝ Ֆենգն իր տարածաշրջանային այցի շրջանակներում այցելելու է նաև Երևան և Բաքու: Վրաստանում Ֆենգը հանդիպելու է ուսանողների հետ, հանդիպելու է ԱՄՆ դեսպանատան անգլերենի ծրագրի մասնակիցների հետ: Բեյ Ֆենգն ունի 11-ամյա լրագրողական փորձ, և մինչև պետդեպարտամենտում աշխատանքի անցնելն աշխատել է «Չիկագո տրիբյունի» դիվանագիտական թղթակից:
