Քիչ առաջ հայտնի է դարձել, որ «Ֆուկուսիմա-1» ատոմակայանի ողջ անձնակազմին սկսել են տարհանել, քանի որ երրորդ էներգաբլոկի վրա երևացել է սև ծուխ: Այս մասին հաղորդում է Kyodo գործակալությունը` հղում անելով ատոմակայանի կառավարիչ ընկերությանը` Tokyo Electric Power Co (TEPCO)-ին:
Associated Press գործակալությունը հաղորդում է, որ տարհանումն իրականացվել է բոլոր 6 էներգաբլոկներից: Սա այս օրվա ընթացքում երկրորդ անգամ է տարհանում իրականացվում: Մեկ անգամ տարհանում իրականացվել էր այն ժամանակ, երբ երրորդ էներգաբլոկի վրա երևացել էր սպիտակ ծուխ:
Բացի այդ, ատոմակայանում լուրջ անհանգստություն էր առաջացրել 6.0 մագնիտուդով երկրաշարժը, որը տեղի էր ունեցել նույն պրեֆեկտուրայում, որտեղ գտնվում է ատոմակայանը:
