Լիբանանի բանակի զինծառայողները մարտի են բռնվել սիրիացի ապստամբների հետ երկու երկրների սահմանին: Այս մասին հաղորդում է Reuters գործակալությունը՝ հղում անելով լիբանանյան բանակի աղբյուրին:
Ինչպես հայտնել է աղբյուրը՝ բախումը տեղի է ունեցել, երբ լիբանանցի սահմանապահների պարեկը փորձել է մոտենալ իր կողմից հայտնաբերված սիրիացի ապստամբների խմբին, որն ի պատասխան դրան կրակ է բացել: Միջադեպի հետևանքով զոհեր չկան:
Ինչպես նշում է գործակալությունը, տեղի ունեցածը կողմերի առաջին ուղիղ բախումն է Սիրիայում ընթացող քաղաքացիական պատերազմի ողջ ընթացքում:
Ավելի վաղ Լիբանանի իշխանությունները բազմիցս մեղադրել են Սիրիայի բանակին իրենց տարածքի ուղղությամբ կրակ արձակելու մեջ: Սիրիական իշխանությունները, իրենց հերթին սեփական գործողությունները բացատրել են նրանով, որ Լիբանանի կողմից Սիրիա են ներթափանցում ապստամմբների խմբեր, ինչպես նաև նրանց համար նախատեսված զենք և զինամթերք:
