Կատալոնական «Բարսելոնա»-ն, Իսպանիայի ընթացիկ առաջնության 14 –րդ տուրի շրջանակներում առավելության հասնելով «Ատլետիկ»-ի նկատմամբ, նոր ռեկորդ սահմանեց: Կատալոնացիները հանդիսանում են մրցաշարի պատմության մեջ լավագույն մեկնարկի հեղինակը (13 հաղթանակ, 1 ոչ-ոքի 14 խաղում):
«Ուրախ եմ, որ մենք նոր ռեկորդ սահմանեցինք: Ակնհայտ է, որ հեշտ չէ անել այն, ինչ նախկինում որևէ մեկնին չի հաջողվել: Սակայն ամենից շատ ինձ ուրախացրեց այն փաստը, որ իմ սաները նույնիսկ հանդիպման 90-րդ րոպեին շարունակում էին պրեսինգի դիմել: Եթե կարողանանք խաղալ որպես միասնական թիմ, ավելի մեծ առաջընթաց կգրանցենք»,- նշել է Վիլանովան:
