Տաջիկստանի իշխանությունները պետք է ապաարգելափակեն մի շարք կայքերի, այդ թվում` Facebook սոցցանցի հասանելիությունը: Այս մասին ասվում է Դուշանբեում ամերիկյան դեսպանության հայտարարությունում, որի տեքստը շաբաթ տարածել է ԱՄՆ պետդեպարտամենտի մամլո ծառայությունը: Այս մասին հայտնում է ITAR-TASS-ը:
«Մենք Տաջիկստանի կառավարությանը կոչ ենք անում հարգել մասնավոր իրավունքները, խոսքի ազատությունն ու հանել սահմանափակումները Facebook սոցցանցի, «Օզոդի» ռադիոյի («Ազատություն/Ազատ Եվրոպա» ԱՄՆ կառավարության կողմից վերահսկվող ռադիոկայանի տաջիկական ծառայություն) և արգելափակված այլ լրատվական կայքերի վրայից»,- նշվում է հայտարարությունում:
Ամերիկյան կողմն այս առնչությամբ անհանգստացած է: «ԱՄՆ-ը կարծում է, որ կարծիքների ազատ արտահայտումը համընդհանուր բնույթ է կրում, անկախ այն բանից՝ դա տեղի է ունենում հասարակական վայրում, թե համացանցում»,-ընդգծվում է հայտարարությունում:
Այս տարվա մարտին Տաջիկստանի ինտերնետ փրովայդերները արգելափակել էին Facebook-ն ու մի շարք այլ կայքեր, իսկ արդեն հուլիսին արգելափակել էին Vesti-ի և BBC-ի հասանելիությունը: Արգելափակվել է նաև մուտքը դեպի YouTube վիդեոհոսթինգ:
