Ադրբեջանական Turan լրատվական գործակալության փոխանցմամբ` Վաշինգտոնում Ադրբեջանի դեսպանատունը շուտով փոխադրվելու է քաղաքի կենտրոնում գտնվող նոր շենք, որը 12 միլիոն դոլարով գնել է Ադրբեջանի պետական նավթային ընկերությունը (SOCAR):
Այս մասին BBC-ին տված հարցազրույցի ժամանակ հայտարարել է SOCAR-ի նախագահ Ռովնագ Աբդուլաևը` պատասխանելով այն հարցին, թե ինչո՞ւ է SOCAR-ը գնել այդչափ թանկարժեք գրասենյակ Վաշինգտոնում: Աբդուլաևը չի պարզաբանել, թե ինչպես են նույն շենքում գործունեություն ծավալելու դեսպանատունն ու նավթային ընկերությունը.
«Երկրի նախագահը հավանության է արժանացրել այդ որոշումը, և շուտով նոր դեսպանատունը փոխադրվելու է նոր շենք: Մենք սխալ ենք համարում այն, որ ներկայումս մեր դեսպանատունը տեղակայված է ինչ-որ խրճիթում»: