Մեկնաբանելով ՌԴ վարչապետ Դմիտրի Մեդվեդևի հայտարարությունն այն մասին, թե Վրաստանի նոր կառավարության հետ հնարավոր է երկխոսություն սկսվի, Վրաստանի խորհրդարանի արտաքին քաղաքականության հարցերով հանձնաժողովի նախագահ Տեդո Ջափարիձեն հայտարարել է, որ Վրաստանը ռազմավարական շահերից ելնելով՝ չի կարգավորի հարաբերությունները Ռուսաստանի հետ:
Ռուսաստանի վարչապետը հայտարարել էր, որ իրենք պատրաստ են Վրաստանի հետ երկխոսության, սակայն « պետք է հաշվի առնվեն առկա աշխարհաքաղաքական իրավիճակը և Ռուսաստանի կողմից Հարավային Օսեթիայի և Աբխազիայի ճանաչման հարցը»:
Սրան ի պատասխան՝ Ջափարիձեն ասել է. «Լավ է, որ նման հայտարարություն է արվել: Դա պատասխան քայլ էր մեր առաջարկին: Սակայն այդ նախապայմանները մեզ համար անընդունելի են: ՌԴ կողմից ճանաչված տարածքների հանդեպ Ռուսաստանի մոտեցումները մեզ համար անընդունելի են: