ՀՀ վերաքննիչ քրեական դատարանի դատավոր Գագիկ Ավետիսյանի նախագահությամբ, դատավորներ Եվա Դարբինյանի և Սերգեյ Չիչոյանի մասնակցությամբ հուլիսի 23-ին կսկսվի տասներկու տարվա ազատազրկման դատապարտված, քրեակատարողական հիմնարկների վարչության նախկին պետ Սամվել Հովհաննիսյանի, նրա պաշտպան Վահագն Մարտիրոսյանի բողոքի քննությունը: Այս մասին տեղեկացնում է aravot.am. լրատվական կայքը, հավելելով, որ նրանք բողոքում են Արաբկիր և Քանաքեռ-Զեյթուն վարչական շրջանների դատավճռի դեմ:
Հիշեցնենք, որ 2013 թ. փետրվարի 13-ին Սամվել Թելմանի Հովհաննիսյանը որպես մեղադրյալ ներգրավվել է ՀՀ քրեական օրենսգրքի 178-րդ հոդվածի 3-րդ մասի 1-ին կետով և ՀՀ քրեական օրենսգրքի 38-35-104-րդ հոդվածի 2-րդ մասի 7-րդ և 8-րդ կետերով նախատեսված արարքների կատարման համար:
Նա Լուսինե և Թելման Հովհաննիսյանների կողմից 2006 թվականին հիմնադրված և վերջինիս տնօրինությամբ գործող «Սամոշ» ՍՊ ընկերությունում չունենալով գործարքներ կնքելու, նյութական միջոցները տնօրինելու և այլ իրավունքներ, ինչպես նաև օրենքով նախատեսված լիազորություններ, տարբեր անձանց հետ նույն գույքի` նշված ընկերության կողմից Երևանի Մամիկոնյանց փողոցի 51/2 հասցեում կառուցվող բազմաբնակարանային շենքի երկու բնակարանների վերաբերյալ կնքել է կրկնակի գործարքներ և «խարդախությամբ` խաբեության և վստահությունը չարաշահելու եղանակով հափշտակել է այդ բնակարանների համար վճարված առանձնապես խոշոր չափերի գումարները»: Հոդվածի մանրամասներին կարող եք ծանոթանալ հղումով:
