Նոր Golf-ի անվտանգության փաթեթի արդյունավետությունը, որը ապահովում է ուղևորների, երեխաների, հետիոտների և վարորդների անվտանգությունը, Euro NCAP-ի մասնագետների կողմից արժանացել է ամենաբարձր գնահատականի՝ հինգ աստղի:
Հերթական անգամ ավտոմոբիլային աշխարհը Golf մոդելի հաջողության ականատեսը դարձավ:
Ուղևորների անվտանգության համակարգի արդյունավետությունը փորձարկվել է քրաշ-թեսթերով՝ տարբեր կողմերից ստեղծված բախումների միջոցով:
Volkswagen-ի մասնագետները հոգացել են նաև փոքրիկ ուևորների անվտանգության մասին: Դա տեսանելի ցուցադրվել է 1,5–3 տարեկան երեխաների չափերի համապատասխան մանեկեններով փորձարկումների ժամանակ: Ոչ պակաս համոզիչ են եղել նաև հետիոտների անվտանգության համար նախատեսված համակարգերի աշխատանքները:
Վիճակագրության համաձայն՝ վթարների գրեթե մեկ երրորդը ուղեկցվում է այլ մեքենաների հետ բախումներով, որոնցում անվտանգության բարձիկներն ու անվտանգության գոտիներն արդեն չեն պաշտպանում ուղևորներին: Այդ պատճառով էլ նոր Golf-ի մեջ նախատեսված է բազմաթիվ բախումների ժամանակ վթարային արգելակման ասիստենտ (Multicollision brake assist), որը բախման ժամանակ կանխարգելում է մեքենայի անկանոն տեղաշարժը, դրանով իսկ թույլ չտալով այլ մեքենաների հետ բախումները։ Եթե բախումն անխուսափելի է, ապա կրճատվում է հարվածի ուժը:
Ուղևորների օպտիմալ անվտանգության համար նոր Golf-ում առկա են նաև գոտիներ: Այլ մեքենաների հետ բախման ժամանակ անվտանգության համակարգը միանգամից փակում է կողային ապակիները, դրանով իսկ հնարավորություն տալով աշխատել կողային, ինչպես նաև գլուխը պաշտպանող անվտանգության բարձիկներին: Բախումից անմիջապես հետո անվտանգության գոտիները թուլանում են:
Ստանդարտ համակարգերից բացի, մեքենան հագեցած է արգելակման City Emergency Braking կրուիզ-կոնտրոլով, Front Assist համակարգով, վարորդի հոգնածությունը որոշող համակարգով, ինչպես նաև երթևեկությանը հետևող համակարգով:
Նոր ավտոմեքենայում կարող են տեղադրվել յոթ աջակցող համակարգեր, որոնք զգալիորեն բարձրացնում են նրա անվտանգության աստիճանը:
