Windows Phone 7.8 բջջային օպերացիոն համակարգը կթողակվի 2013 թվականի սկզբին: Այս մասին պաշտոնական բլոգում հաղորդել են Microsoft կորպորացիայի ներկայացուցիչները:
Մինչև WP7.8 թարմացում կստանան այն մարդիկ, որոնց սարքերը աշխատում են WP7.5 համակարգով: Բացի այդ՝ օպերացիոն հարթակը կկիրառվի նաև նոր սմարթֆոններում, որոնք վաճառքի դուրս կբերվեն հաջորդ տարի:
WP7.8-ի առանձնահատկությունների շարքում Microsoft-ի ներկայացուցիչներն անվանել են երեք չափսերի «կենդանի սալիկները», որոնք առկա են նաև WP8-ում, էկրանի արգելափակման և արգելափակումից հանելու նոր միջոցները և գունային նոր լուծումները:
Ընկերության բլոգում տարածված հաղորդագրության մեկնաբանություններում մարդիկ նշել են, որ «հիասթափված են» թողարկումը հետաձգելու ընկերության որոշումից: Սպասվում էր, որ այն կթողարվի միաժամանակ WP8-ի հետ կամ ծայրահեղ դեպքում մինչև տարեվերջ:
WP8-ը թողարկվել է հոկտեմբերի վերջին: Այն հիմնված է NT միջուկի վրա և չի կարող տեղադրվել հին սմարթֆոններում:
