«Աղբյուր Սերոբ» ջոկատի անդամ, ազատամարտիկ, 3-րդ կարգի հաշմանդամ, կոնտուզիա ստացած Վարդան Թաթարյանը Հանրապետության հրապարակում մտադիր է հացադուլ անել:
Վերջինս մինչև հրապարակ գալն այնքան վրդովված է եղել, որ նույնիսկ մտածել է ինքնահրկիզվել այնտեղ:
Վարդան Թաթարյանն ապրում է ծայրահեղ ծանր սոցիալական պայմաններում, ստանում է ընդամենը 65.000 դրամ թոշակ, որով չի կարողանում հոգալ ընտանիքի կարիքները:
«Առաջին լրատվական»-ի հետ զրույցում Թաթարյանը ասաց, որ չի ամաչում՝ նունիսկ հնարավորության դեպքում բեռնատար մեքենաներից ապրանքներ է տեղափոխում, բայց դրա դիմաց ընդամենը կոպեկներ է վաստակում և չի կարողանում պահել ընտանիքը:
Վարդան Թաթարյանը մտադիր է այսօր մնալ հրապարակում և այնտեղ հացադուլ անել՝ մինչև որ կառավարության անդամները բարեհաճեն և նրա խնդրին լուծում տան. «Ինձ առանձնատներ և շքեղ մեքենաներ պետք չեն, ընդամենը մարդկային վերաբերմունք եմ ուզում, ազատամարտիկի նկատմամբ վերաբերմունք, 65.000 դրամով ես ինչպե՞ս ընտանիք պահեմ»,- վրդովված ասաց Թաթարյանը:
Տեսանյութը՝ շուտով: