ԱՄՆ-ի իշխանությունները բրիտանական նավթային British Petroleum ընկերությանը ժամանակավորապես զրկել են ԱՄՆ-ի կառավարության հետ նոր պայմանագրեր կնքելու հնարավորությունից: Այս մասին հաղորդում է BBC-ին՝ վկայակոչելով շրջակա միջավայրի պահպանության հարցերով զբաղվող ամերիկյան գործակալությանը (ЕРА):
Նման որոշում կայացվել է BP-ի կողմից 2010 թ. Մեքսիկական ծոցում տեղի ունեցած էկոլոգիական վթարի հետևանքները վերացնելու ժամանակ «կորպորատիվ էթիկայի բացակայության պատճառով»:
Այսպիսով, BP-ն հանքեր վարձակալելու հավակնություն չի կարող ունենալ՝ Մեքսիկական ծոցի ամերիկյան ափամերձ վայրերում հետախուզական աշխատանքներ անցկացնելու համար:
ЕРА հայտարարության մեջ նշվում է, որ ժամանակավոր սահմանափակումը զրկում է ընկերությանը և վերջինիս որոշ գործընկերների նոր պետական պայմանագրեր կնքելու հնարավորությունից այնքան ժամանակ, քանի դեռ ընկերությունը ЕРА-ին չի ներկայացրել պետական չափանիշներին համապատասխան բիզնես վարելու վկայություններ:
Դեռևս հայտնի չէ, թե ինչքան կտևեն այս սահմանափակումները: Դրանք չեն տարածվում BP-ի և ԱՄՆ-ի կառավարության միջև գոյություն ունեցող պայմանագրերի վրա:
