«Դինամո» հանրապետական մարզադաշտի մոտ գտնվող հնամաշ իրերի հայտնի «Քրջի» շուկայում ապրանքների գինը սկսվում է 50 դրամից և հասնում 4 հազար դրամի: 4 հազար դրամ արժողությամբ ապրանքները այստեղ ամենաշքեղներն են համարվում, դրանք ռադիոտեխնիկայի որոշակի տեսականիներ են, որոնք այլևս չեն արտադրվում: Այստեղ կարող ենք գտնել ցանկացած ապրանք, գործիքներ, խողովականեր, հին խաղեր, հեռակառավարման վահանակներ, հնամաշ հագուստ, կոշիկ:
«Առաջին լրատվական»-ը զրուցել է տեղի առևտրականների հետ, որոնք հիմնականում տարեցներ են: Այստեղ ևս առևտրից են դժգոհել, բայց պատճառներն իրենց համար հասկանալի են, ասում են՝ արտագաղթն է, բացի այդ՝ իրենց վաճառած իրերն էլ պահանջարկ չունեն: Շաբաթ, կիրակի օրերին առավոտյան 07:30-ից գալիս են և մնում մինչև 20:00-ն, բայց վերջին ամիսներին միայն հացի փող են կարողանամ վասատակել, իսկ թոշակն անգամ կոմունալ վճարումներին չի բավականեցնում, մինչդեռ այսօր թանկացումներ են: Շուկայում ասում են, որ կարիքի մեջ ապրելուն սովորել են, բացի այդ, այստեղի թոշակառուները հիմնականում միայնակ են ապրում. երեխաները երկիրը լքել են: Մարդիկ բողեքել են նաև պայմաններից՝ նշելով, որ հողածածկ շերտի վրա են կանգնում, փոշոտվում, բացի այդ՝ այնտեղ անգամ պետքարան չկա, արևն էլ մի կողմից «խաշում» է:
Մեր նկարահանման պահին տեղի բազմաթիվ առևտրականներ արդեն իսկ իրենց ապրանքները դասավորում էին և պատրաստվում էին հեռանալ, ասում էին՝ միևնույն է, առևտուր չի լինում:
Առավել մանրամասն՝ տեսանյութում։