ԱՄՆ-ը հզորացնում է Միջերկրական ծովում ռազմածովային խմբավորումները:
Ռազմածովային ուժերի չորս նավերին, որոնք գտնվում են Իսրայելի ափերի մոտ, օգնության է ուղարկվել դեսանտային խումբ: Ըստ պաշտոնական տվյալների՝ հավելյալ ուժերը անհրաժեշտ են ԱՄՆ-ի քաղաքացիների հավանական տարհանման համար: Պենտագոնը մտադիր է օգտագործել ծովային հետևակայինների ներուժը տարածաշրջանում ԱՄՆ-ի դեսպանատների պաշտպանության և ապօրինի զենքի տեղափոխման դեմ պայքարի համար:
Իսրայելի և պաղեստինյան «ՀԱՄԱՍ» շարժման միջև կնքված համաձայնությունը ոչ մի կերպ չի ազդել Պենտագոնի քաղաքականության վրա: ԱՄՆ-ի ռազմական գերատեսչությունը չի պատրաստվում հետ կանչել նավերը, որոնք Իսրայելի ափեր են ուղարկվել հակամարտության ամենասկզբում:
«Ռազմածովային խմբավորումներն ուժեղացնել պատրաստվում էինք դեռ Բենղազիի սեպտեմբերյան իրադարձություններից հետո: Վերջին օրերին իրավիճակն ավելի էր սրվել, և մենք գործ ունենք Լիբիայում, Եգիպտոսում, Սիրիայում, Իսրայելում և Գազայում անկայուն իրավիճակի հետ»,- հաստատել է Պենտագոնը:
Նոյեմբերի սկզբին Իսրայելի ափերի մոտ գտնվող ռազմական հերթապահությանն ուղարկվել են ռազմածովային ուժերի չորս նավեր, որոնք հագեցված են հակահրթիռային Aegis համկարգով: Arleigh Burke դասի ևս 4 ականակիր ժամանել են իսպանական Ռոտա նավահանգիստ: Ըստ ռազմական գերատեսչության հաշվարկների՝ այդ նավերը պետք է պաշտպանեին Իսրայելին հավանական հրթիռային հարձակումից Իրանի կամ Սիրիայի կողմից:
Անցած շաբաթվա վերջին Պենտագոնը անսպասելիորեն որոշել է տարածաշրջանում տեղակայել նաև հզոր դեսանտային խումբ, որը ներառում է 2,5հզ ծովային հետևակայիններ: Ինչպես հայտնի է դարձել՝ հետևակային USS Iwo Jima, USS New York ուղղաթիռները պետք է վերադառնային Նորֆոլքի ռազմաբազա, սակայն վերջին պահին հրաման են ստացել Արևելյան Միջերկրածովում հերթապահության անցնելու մասին:
Ըստ պաշտոնական վարկածի՝ ռազմաօդային խմբավորումը կապահովի ամերիկյան քաղաքացիների տարհանումն անհանգիստ տարածաշրջանից: Բացի այդ՝ զինվորականներին հնարավոր է այլ խնդիրներ են առաջադրել:
Պենտագոնը պլանավորել է օգտագործել ծովային հետևակայիններին տարածաշրջանի ամերիկյան դեսպանատների պաշտպանության համար: Եվս մեկ առաջադրանք կարող է հանդիսանալ զենքի ապօրինի շրջանառության դեմ պայքարը: Ըստ արևմտյան հատուկ ծառայությունների տվյալների՝ հրթիռները, որոնք կիրառվել են ՀԱՄԱՍ-ի կողմից վերջին հակամարտության ժամանակ:
Տարածաշրջանում ամերիկյան ռազմածովային ուժերի տեղակայումն արդեն առաջացրել է Իրանի վրոդովմունքը: Անցած ուրբաթ ՄԱԿ-ում Իրանի ներկայացուցիչ Մոհամմադ Հազային ԱԽ-ին պաշտոնական բողոք է ներկայացրել՝ Վաշինգտոնին մեղադրելով սադրիչ և ապօրինի գործողությունների մեջ: Թեհրանում Պետնագոնի այս գործողությունները համարում են սադրանք: Իրանական նամակում նշվում է, որ ԱՄՆ-ի ռազմաօդային ուժերի նավերը տարածաշրջանում հետախուզություն են իրականացնում, իսկ անօդաչու թռչող սարքերն ամեն օր խախտում են իրանական սահմանը Պարսից ծոցի սահմանում:
Անցած տարվա դեկտեմբերին ամերիկյան անօդաչու թռչող սարքերից մեկը կործանվել է Իրանի արևելքում: Ինչպես նշում են Թեհրանում, սարքավորումը կործանվել է կիբերհարձակման հետևանքով:
Սպիտակ տունը դեռ ոչ մի կերպ չի արձագանքել իրանական զգուշացումներին: Սակայն պաշտպանության նախարար Լեոն Պանետան, ելույթ ունենալով անցած շաբաթ Ամերիկյան անվտանգության կենտրոնում, ասել է. «Անօդաչու թռչող սարքերն արդեն մեզ թույլ են տվել ճշգրիտ «բժշկական վիրահատություններ» անել, այնպես որ նրանց թիվը մոտ ապագայում միայն աճելու է»:
