«Առաջին լրատվական»-ի հետ զրույցում ԲՀԿ-ական տնտեսագետ Վարդան Բոստանջյանը հարցին՝ ճանաչո՞ւմ է գործարարներին, գիտի՞ դեպքեր, երբ գործարարները վարչապետի հայտարարությունից հետո եկել են հարկային դաշտ, հայտարարեց. «Ոչ, չգիտեմ նման դեպքեր, նման դեպք չի լինելու։ Ընդհանրապես, նման լիրիկական մոտեցումներից կյանքում մենակ քուրսու շուրջ հավաքվածներն են խոսում, մենակ համքար դաշտերում են ըտենց բաներ խոսում՝ գամ- չգամ, ցուցակում գրվեմ-չգրվեմ. պատժամիջոց սահմանեք: Պատժամիջոց, համաձայն որի՝ ցանկացած ոք՝ իրավաբանական և ֆիզիկական անձ, հասկանա, որ օրենքը խախտելու պարագայում իրենք շատ ավելի են վնասվում, քան երբ էդ բանը կարող էին անել։
Իսկ հակառակ դեպքում էս ձևի լիրիզմը, էս ձևի քնարիզմը եկեք չօգտագործենք՝ կանչեցինք, ասացինք՝ եկեք պարտավորությունները կատարեք, եկեք մի կատարեք: Էդպիսի բան չի լինում, և ամոթ ա, որ հայ իրականության մեջ մենք ուզենանք՝ էդպիսի ինստիտուտներ կիրառենք, նման բաների շուրջ խոսակցություններ տանենք. չկա նման բան»:
Մեր հիշեցմանը, որ այդ մասին վարչապետն էր խոսում, Բոստանջյանն արձագանքեց. «Դե, չգիտեմ՝ խոսել էր թե ոչ, ես ձեզ ասում եմ՝ դա ճիշտ մոտեցում չի»:
Դիտեք ԲՀԿ տնտեսագետ Վարդան Բոստանջյանի հետ «Առաջին լրատվական»-ի հարցազրույցը:
