Պաղեստինի ազգային ինքնավարության ղեկավար Մահմուդ Աբասն այսօր ժամանելու է Նյու Յորք: Այցն իրականացվում է նոյեմբերի 29-ին նախատեսվող ՄԱԿ Գլխավոր ասաբլեայում Պաղեստինին պետություն-դիտորդի կարգավիճակ շնորհելու հարցով քվերակության նախաշեմին: Այս մասին հաղորդում է ITAR-TASS-ը՝ վկայակոչելով ՄԱԿ շտաբ-գրասենյակի աղբյուրը:
Գործակալության տեղեկատվության համաձայն՝ Մահմուդ Աբասը նախատեսում է անցկացնել մի շարք երկկողմանի հանդիպումներ, այդ թվում՝ ՄԱԿ գլխավոր քարտուղար Պան Գի Մունի հետ:
Երկուշաբթի ՄԱԿ ԳԱ-ում տարածվեց պաղեստինյան հարցով բանաձևի վերջնական նախագիծը, որը կազմվել է 60 երկրների կողմից: Փաստաթղթում ասվում է՝ «Պաղեստինին շնորհել է ՄԱԿ-ում պետություն-դիտորդի կարգավիճակ՝ առանց իրավունքների, արտոնությունների և դերակատարման սահմանափակումների, որը խաղում է Պաղեստինի ազատագրման կազմակերպությունը՝ որպես պաղեստինցի ժողովրդի ներկայացուցիչ»:
Բանաձևի նախագիծն ընդունելու համար անհրաժեշտ է ստանալ ԳԱ–ի 193 անդամ երկրների ձայների մեծամասնությունը:
2011 թ. պաղեստինցիները ինքնավարությունը ՄԱԿ լիիրավ անդամ ճանաչելու հայց էին ներկայացրել: Ստանալով ՄԱԿ ԳԱ-ի 193 անդամ երկրների ձայների մեծամասնությունը՝ հայցը չէր հաստատվել ՄԱԿ Անվտանգության խորհրդի կողմից, որն ընդունում է վերջնական որոշում նման հարցերի վերաբերյալ: ՄԱԿ ԱԽ-ում քվեարկությունն արգելափակվել էր ԱՄՆ-ի կողմից:
