Կրթության և գիտության նախարար Արմեն Աշոտյանը, ում պաշտոնավարման օրոք ԿԳՆ-ն հաստատել է բուհերի Հայոց պատմության նոր, սկանդալային դասագիրքը, երեկ խիստ սրտնեղել է «Հայկական ժամանակի» թղթակցի մի քանի հարցերից:
Հարցերը հետևյալն էին. «Ո՞վ է պատասխան տալու պատմությունը կեղծելու համար, և դուք` որպես ԿԳ նախարար, ե՞րբ եք հրաժարական տալու` այդ դասագրքի մուտքը բուհեր թույլ տալու համար: Ե՞րբ եք դասագիրքը հանելու շրջանառությունից»: Աշոտյանը, հարցերին պատասխանելու փոխարեն, հորդորել է. «Ինձ հետ զուսպ և կոռեկտ»:
«Քանի որ Աշոտյանը ներկայումս Լիբանանում է, հարցուպատասխանը հաղորդագրության միջոցով է արվել, նախարարն էլ ակնհայտորեն հեռավորության ազդեցության տակ է եղել: Այնպես որ` սպասում ենք վերադարձից հետո նրա կոնկրետ և բովանդակային պատասխաններին, իսկ ավելի լավ է` գործողություններին»,- հավելում է «ՀԺ»-ն:
