Ռուսական «Վզգլյադ» թերթի փոխանցմամբ՝ Վրաստանի նախկին արտգործնախարար Սալոմե Զուրաբիշվիլին այսօր հայտարարել է, որ «Վրացական երազանք» դաշինքը պետք է հապճեպ փոխի դեսպաններին, որոնք շարունակում են արտասահմանում սպասարկել նախագահ Միխեիլ Սաակաշվիլիի ու նրա «Միասնական ազգային շարժում» կուսակցության շահերը:
Վրաստանի վարչապետ Բիձինա Իվանիշվիլիի դեմ արևմտյան ԶԼՄ-ներում հոդվածների հրապարակման հետ կապված՝ Զուրաբիշվիլին Facebook սոցցանցի իր էջում գրել է, որ «Միասնական ազգային շարժում» կուսակցության ներկայացուցիչները գնալով ավելի շատ են հիշեցնում նոր լոբբիստների և օգտագործում են դեսպաններին՝ նոր իշխանությունների ժողովրդավարությունը կասկածի տակ դնելու համար.
«Ինչո՞ւ ոչ ոք վարչապետին չի բացատրում, որ անհրաժեշտ է անհապաղ հեռացնել հին դեսպաններին, որ անհրաժեշտ է արտասահմանում նրա անձը և քաղաքականությունը ներկայացնել պետքական ձևով: Դա չիմացությո՞ւն է, թե՞ դիվերսիա»:
Հիշեցնենք, որ ներկայիս դրությամբ Վրաստանի նոր իշխանություններն աշխատանքից հեռացրել են միայն ԱՄՆ-ում Վրաստանի դեսպանին:
