Եգիպտոսի նախագահ Մուհամմադ Մուրսիի կողմից պաշտոնանկ արված գլխավոր դատախազ Աբդելմագիդ Մահմուդը հայտարարել է, որ շարունակում է կատարել իր ծառայողական պարտականությունները:
«Ես դիմում եմ իրազեկ մարմիններին, որպեսզի նրանք վճիռ կայացնեն դատական համակարգի օրենքին հետևելու մասին, որը թույլ չի տալիս գլխավոր դատախազին հեռացնել իր պաշտոնից»,-հայտարարել է նա:
Եգիպտոսի նոր գլխավոր դատախազի նշանակումը կայացավ հինգշաբթի երեկոյան: Աբդելմագիդ Մահմուդին այս պաշտոնում փոխարինել է Տալլաթ Իբրահիմին:
Մուհամմադ Մուրսին արդեն մեկ անգամ փորձել էր պաշտոնից հեռացնել Աբդելմագիդ Մահմուդին, սակայն վերջինս հայտարարել էր, որ մտադիր չէ հեռանալ իր պաշտոնից: Արդյունքում երկրի նախագահը ստիպված եղավ վերանայել իր որոշումը:
