Ժամանակին հայտնի t.A.T.u. դուետի աղջիկները դարձյալ հանդես կգան մեկ բեմում: Այս մասին հայտնում է abzac.org-ը:
Յուլյա Վոլկովան ու Լենա Կատինան կմիավորվեն՝ մասնակցելու Ռումինիայում կայանալիք «Ձայն» երաժշտական շոուին:
Ինչպես հայտնի է, խմբի փլուզումից հետո, աղջիկներից յուրաքանչյուրը գնաց իր ճանապարհով՝ փորձելով կարիերան շարունակել ինքնուրույն, սակայն շոու-բիզնեսում կայանալու անհաջող փորձերից հետո աղջիկները միասին կկատարեն իրենց հայտնի երգերը: Ինչպես պնդում են երգչուհիները, միավորումը կլինի «մեկանգամյա», այնպես որ` խմբի վերամիավորման մասին խոսք անգամ գնալ չի կարող:
Ինչպես հաղորդում են ԶԼՄ-ները, աղջիկները հանդես կգան դեկտեմբերի 11-ին: Հայտնի է, որ նրանց ելույթը նվիրված կլինի իրենց առաջին միջազգային՝ անգլիալեզու ալբոմին, որը դարձել էր պլատինե:
