Լոնդոնյան ժամանակակից արվեստի «Սպիտակ խորանարդ» թանգարանում կցուցադրվի Էնթոնի Հորմլիի նոր քանդակը, որը տվյալ պահին քանդակագործի ամենամասշտաբային նախագիծն է:
Ինչպես գրում է The Independent-ը, Model անվանումով նախագիծն իրենից ներկայացնում է կռացող ֆիգուր, որը պատրաստված է հարյուր տոննա մետաղից:
Հեղինակի խոսքով՝ այցելուները կկարողանան մտնել քանդակի մեջ դրա ձախ ոտքի միջոցով ու կորել, օրինակ, գլխում, որտեղ չկան պատուհաններ ու լույս:
Ըստ Հորմլիի՝ «շենքում», որը բաղկացած է միմյանց միացված 24 սենյակներից (հեղինակը դրանք անվանում է հսկայական քանդակի ներքին օրգաններ), կարող է միաժամանակ գտնվել 380 մարդ:
Թանգարանի կայքում ոչ մի տեղեկություն չկա նախագծի մասին, սակայն Time Out պարբերականը գրում է, որ Model-ը ոչ միայն արվեստի գործ է, այլև ճարտարապետական օբյեկտ:
Ցուցահանդեսը բացվելու է այսօր ու կշարունակվի մինչև 2013թ. փետրվարի 10-ը:
Բրիտանացի Էնթոնի Հորմլին ժամանակակից ամենահայտնի քանդակագործներից է, որի աշխատանքները աչքի են ընկնում մասշտաբայնությամբ:
