Շվեյցարիայի ձախ քաղաքական կուսակցությունների և արհմիությունների դաշինքը հանրաքվե կանցկացնի երկրի տարածքում բնակվող օտարերկրյա միլիոնատերներին արտոնություններից զրկելու հարցով,- հաղորդում է ITAR-TASS-ը:
Դաշինքն իր նախաձեռնության պաշտպանության համար հավաքել է ավելի քան 103 հազար ստորագրություն:
Ձախակողմյաններն առաջարկում են փոփոխություն կատարել երկրի սահմանադրությունում՝ փոխելով այսպես կոչված ակորդային հարկը: Այն Շվեյցարիայի տարածքում բնակվող, բայց որևէ մասնագիտական գործունեություն չունեցող օտարերկրացիներին թույլ էր տալիս վճարել ֆիքսված հարկ, որի չափը կախված չէ կարողությունից կամ եկամտից: Ֆիքսված հարկը հաշվարկվում է տարեկան վարձակալության կամ բնակարանի հիփոթեքային վարձի հիման վրա: Սովորաբար այս գումարը կրկնապատկվում է հինգ անգամ և կազմում է հարկը:
Շվեյցարիայի կառավարությունը նշում է, որ ֆիքսված հարկի վերացումը վտանգի տակ կդնի ավելի քան 22 հազար աշախատատեղ, և առաջարկում է ամեն տարի հարուստ օտարերկրացիներից վերցնել վարձակալության արժեքից ոչ թե հինգ, այլ յոթ անգամ ավելի գումար:
Ընդհանուր առմամբ, Շվեյցարիայում բնակվում են 5.5 հազար օտարերկրացիներ, որոնք օգտվում են ֆիքսված հարկատվության առավելություններից:
Հանրաքվեն անցկացվելու է 2015 թ. ոչ շուտ:
