Բնապահպանները ստուգել են 20 համաշխարհային ապրանքանիշերի հագուստը՝ պարզելու նրանցում վտանգավոր քիմիական միացությունների պարունակությունը: Տոքսիկ միացություններ են հայտնաբերվել Zara, Mango, Calvin Klein, Tommy Hilfiger, Benetton, H&M, Diesel, Esprit, Gap, Armani, Jack & Jones, Only, Vero Moda, Blažek, C&A, Levi’s, Victoria’s Secret, Marks & Spencer, Metersbonwe և Vancl ֆիրմաների արտադրանքներում: Այս մասին գրում է Rosbalt-ը:
Հետազոտության շրջանակում Greenpeace International-ը ուսումնասիրել է բնական և արհեստական գործվածքից ստացված 141 ապրանք՝ կանացի, տղամարդու և մանկական հագուստ (ջինսեր, տաբատներ, մարզաշապիկներ, զգեստներ և ներքնազգեստ), որպես կանոն, արտադրված՝ Հարավարևելյան Ասիայում:
Հետազոտության արդյունքում պարզվել է, որ ուսումնասիրության մեջ ներառված բոլոր ապրանքանիշերը թողարկում են ապրանքներ, որոնք պարունակում են նոնիլֆենոլ էտոկսիլատ: Այդ միացությունը, հայտնվելով շրջակա միջավայրում, վերափոխվում է նոնիլֆելոնի՝ տոքսիկ նյութի, որը ներթափանցում է մարսողական շղթա և ազդում կենդանի օրգանիզմների հորմոնալ համակարգերի աշխատանքի վրա: Տոքսիկ նյութի ամենաբարձր քանակությունը՝ ավելի քան 1000 մկգ/գ հատանբերվել է Zara, Metersbonwe, Levi’s, C&A, Mango, Calvin Klein, Jack & Jones and Marks & Spencer (M&S) ապրանքանիշերի արտադրանքներում:
Բնապահպանների կողմից ստուգված յուրաքանչյուր 5-րդ արտադրանքում հայտնաբերվել են թունավոր ֆտալատներ, որոնց որոշ տեսակներ վտանգավոր են վերարտադրողական համակարգի համար: Իսկ Պակիստանում Zara ապրանքանիշի ֆաբրիկայի կիրառած ազոներկանյութերում քաղցկեղածին նյութեր են հայտնաբերվել:
Կազմակերպությունը հագուստ արտադրողներից պահանջում է զերծ մնալ վտանգավոր քիմիկատների օգտագործումից: