Грузия Online-ի փոխանցմամբ՝ Վրաստանի վարչապետ Բիձինա Իվանիշվիլիի ամերիկյան այցը հետաձգվել է հաջորդ տարի: Այս մասին այսօր Թբիլիսիի «Ռեդիսոն» հյուրանոցում կազմակերպված մամուլի ասուլիսի ժամանակ հայտարարել է հենց Իվանիշվիլին:
Վերջինիս խոսքերով՝ ամերիկյան կողմն ըմբռնումով է մոտեցել Վրաստանի ներքին խնդիրներին, և որ դրանց լուծման համար ժամանակ է պահանջում: Իվանիշվիլին հավելել է, որ իր եվրոպական այցը տևեց 4 օր, և դա իր ազդեցությունը չունեցավ երկրի ներքին խնդիրների լուծմանը:
Իվանիշվիլին ընդգծել է, որ իր ամերիկյան այցը տևելու է ավելի երկար, և որպեսզի իր բացակայությունը չազդի երկրի վրա, որոշվել է հետաձգել իր այցը: Իվանիշվիլին հաստատել է, որ նոյեմբերի վերջին ԱՄՆ է մեկնելու Վրաստանի արտգործնախարար Մայա Պանջիիձեն, ով հանդիպելու է ԱՄՆ պետքարտուղար Հիլարի Քլինթոնի հետ:
