Սիրիական զորքերը հետապնդում են զինյալներին Դամասկոսի հարավում` Թադամուն, Քադամ և Էլ-Ասսալի թաղամասերում, նաև` Դարայի արվարձանում, որտեղ գտնվում է զինված խմբավորումների հիմնական ռազմահենադաշտը (պլացդարմ): SANA տեղեկատվական գործակալությունը հայտնում է «տասնյակ սպանված ահաբեկիչների» և գերիների մեծ խմբի ազատվելու մասին, որոնք որպես «կենդանի վահան» են օգտագործվել:
Զինյալների ոչնչացման հատոկ գործողություններ են իրականացվում Սիթ-Զեյնաբում, Էլ-Հուջեյրում, Դիյաբիում և Զամալկում:
«Ալ-Վատան» լրատվական ծառայության հաղորդմամբ` շարունակվում է մայրաքաղաքի բնակելի թաղամասերի գնդակոծումն ականանետերից: Աբու-Ռումմանա թաղամասում պայթյունի հետևանքով մեկ մարդ է զոհվել, երեքը վնասվածքներ են ստացել:
Հալեպից 25 կմ հյուսիս-արևմուտք կառավարական զորքերը նորից հսկողության տակ են վերցրել Շեյխ-Սուլեյման հակաօդային պաշտպանության բազան,- փոխանցում է France-Presse-ը: Մարտեր են ընթանում այլ կարևոր ռազմաբազայի համար` Աթարիբի արվարձաններում:
Հալեպում կառավարական զորքերը ճնշում են զինյալներին Բեբ-Ալ-Հադիդում և Ջանուդիլում:
Դաժան մարտերը շարունակվում են Թուրքիայի հետ սահմանի լեռնային տարածքում:
Լիբանանի հետ սահմանին զինվորները հետ են մղել զինյալների ներխուժման հերթական փորձը: Փոխհրաձգության հետևանքով, SANA-ի փոխանցմամբ, հակառակորդը զգալի վնասներ է կրել, գրավվել է զենք, որը զինյալները փորձել են անցկացնել սահմանը:
