Մառախլապատ Ալբիոնը կրկին հուզված է, քանի որ թագավորական ընտանիքում նոր սկանդալ է բռնկվել: Այս անգամ խոսքը«մերկ» միապետների մասին չէ.բացահայտվել են ռազմական գաղտնիքները: Սենսացիոն լուրի մասին հայտնում է gauhar բլոգերը:
Այս պատմությունը միանգամայն անմեղ է սկսվել.արքայազն Ուիլյամի փիար ծառայությունում որոշել էին ևս մեկ անգամ փորձել նրա ենթականերին և Հյուսիսային Ուելսի ռազմական բազայում լուսանկարների շարք են պատրաստել, որտեղ ծառայում է արքայազն Չարլզի ավագ որդին:
«Մեկ օր կյանքից» խորագրով լուսանկարները հայտնվել են Քեմբրիջի դքսի և դքսուհու պաշտոնական կայքում և արագ տարածվել են բազմաթիվ թաբլոիդների կողմից: Բնականաբար, ո՞ւմ հետաքրքիր չէ, թե ինչպես է արքայազն Ուիլյամը հաճույքով մակարոն ուտում, իր համար թեյ է պատրաստում , ուղղում է մահճակալը, իսկ ուղղաթիռի ղեկին արքայազն ուղղակի աննկարագրելի հմայիչ է: Մինչ ոչ ուշադիր մարդիկ հիանում էին Ուիլյամով, առավել ուշադիրները նկատել էին, որ լուսանկարներում երևում են ռազմական գաղտնիք հանդիսացող տեղեկություններ:
Լուսանկարներն անմիջապես հեռացվել էին կայքից և փոխարինվել ռետուշ արված տարբերակներով, իսկ զինվորականներին խնդրել են փոխել համակարգիչների գաղտնաբառերը, սակայն, այնուամենայնիվ բրիտանական բանակի անձեռնմխելիության մասին հավատը խաթարվել է:
