Իրանական ISNA լրատվական գործակալության փոխանցմամբ՝ Իրանի գերագույն ղեկավար ու հոգևոր առաջնորդ, այաթոլլահ Ալի Խամենեին «Բասիջի» աշխարհազորայինների հետ հանդիպման ժամանակ հայտարարել է, որ իրանցի պատգամավորները պետք է հրաժարվեն մի շարք խնդիրների շուրջ պարզաբանումներ ստանալու նպատակով երկրի նախագահին խորհրդարան կանչելու նախագծի իրագործումից.
«Ցայժմ այդ նախագիծը դրական է գնահատվել նրանց կողմից, քանի որ վկայել է խորհրդարանի պատասխանատու մոտեցման ու սպառիչ բացատրություններ տալու կառավարության ներկայացուցիչների պատրաստակամության մասին: Սակայն ներկայումս տվյալ իրավիճակի շարունակումը կծառայեր մեր թշնամիների շահերին: Մենք պատգամավորներին խորհուրդ ենք տալիս հրաժարվել այդ նախագծից»:
Խամենեին անդրադարձել է նաև Գազայի հատվածի շուրջ ծավալված վերջին զարգացումներին. «Գազայի նկատմամբ մուսուլմանական երկրների գործողությունները չի կարելի դրական գնահատել: Իրենց իսլամական աշխարհի ներկայացուցիչներ ներկայացնող երկրները պետք է դա հաստատեն գործով»:
