Այսօր փոխոստիկանապետ Վալերի Օսիպյանը չի կարծում, թե երեկ ոստիկաններն իրենց ագրեսիվ են պահել ակցիայի մասնակիցների նկատմամբ: «Մենք ավելի շատ օրենքն էինք պահում, մենք լոյալ էինք մոտենում, հանդուժողականություն էինք դրսևորում, բայց եկեք տեսեք՝ հանդուրժողականությունն ինչի է բերում, բերում է անարխիայի՝ ճանապարհ փակել, ոստիկանի օրինական պահանջները չկատարել…»,- ասաց Վալերի Օսիպյանը:
Մեր այն հարցին՝ դուք կարծում եք՝ օրինակա՞ն է քաղաքացուն հրելը, գցելը, Վալերի Օսիպյանը պատասխանեց. «Երեկ և այսօր ոստիկանական ուժերից կազմվել է շղթա, և շղթան օրենքից է բխում, քայլ առաջ՝ որպեսզի ճանապարհ ազատեն, և եթե շղթան առաջ է գալիս, իսկ քաղաքացին կանգնած է ու հետ չի գնում, ոստիկանը ստիպված իր մարմնով կպնում է քաղաքացուն, և հրմշտոց է ստեղծվում»,- ասաց Վալերի Օսիպյանը:
Այսօր ակցիայի ժամանակ ակտիվիստներից մեկին ոստիկանը կապիկ անվանեց։ Վալերի Օսիպյանը «Առաջին լրատվական»-ի հետ զրույցում նշեց, որ ինքը տեղյակ չէ այդ մասին, իսկ եթե իմանա, որ իսկապես տեղի է ունեցել նման բան, ինչու ոչ՝ նաև կարգապահական տույժ կհայտարարվի:
Ամբողջական՝ տեսանյութում: