Աստղագնացներին անսպասելի գաղտնիք է մատուցել տիեզերական Կասինի սարքը, որն ուսումնասիրում է Սատուրնն ու դրա արբանյակները:
Դիտելով Արեգակնային համակարգի 6-րդ մոլորակի ամենախոշոր արբանյակի՝ Տիտանի մակերևույթի լուսանկարները՝ գիտնականները երկնային մարմնի «լճերից» մեկում նկատել են տարօրինակ օբյեկտ, որը նախ հայտնվել, ապա անհետացել է:
Հետազոտողների կարծիքով՝ անհասկանալի «սպիտակ թանձրուկը» կարող է լինել սառցաբեկոր կամ գազի պղպջակների կուտակում:
Հնարավոր է նաև, որ լուսանկարում պատկերված է փոթորիկ, ինչը բացարձակապես հատուկ չէ Տիտանի «ջրամբարներին»՝ հայտնում է NASA-ն:
Աստղագետները անծանոթ օբյեկտը անվանել են «կախարդական կղզի», քանի որ դեռ հստակ պատկերացում չունեն, թե ինչ է նկարել Կասինին՝ գրում է The Guardian-ը: