Լոնդոնի քաղաքապետ Բորիս Ջոնսոնը ամբողջ աշխարհի միլիարդատերերին կոչ է արել օգտվել լոնդոնցի փաստաբանների ծառայություններից: Երկու ոչ տեղացիների վեճերի քննարկման փորձը բրիտանական դատարաններում լայնորեն կիրառվում է շնորհիվ իր հեղինակության: Միևնույն ժամանակ, երկրի կառավարությունում հայտարարել են «դատական զբոսաշրջությունը» արմատախիլ անելու մտադրության մասին: Ջոնսոնի հայտարարությունը հակասում է նման մտադրություններին: Այս մասին հայտնում է Interfax-ը:
«Եթե օլիգարխներից մեկը վիրավորի մյուսին, ապա հենց լոնդոնցի փաստաբանները բալասան կտան նրա հոգուն»,- առանց հեգնանքի հայտարարել է Ջոնսոնը՝ նոյեմբերի 19-ին Լոնդոնում անցկացված Բրիտանական արդյունաբերության համադաշնության ամենամյա կոնֆերանսում:
Ջոնսոնը նաև կոչ է արել Լոնդոնում լուծել ամուսնալուծությանը վերաբերող վեճերը:
Հիշեցնենք. վերլուծաբանների տվյալներով՝ Լոնդոնի հարյուրավոր փաստաբանական գրասենյակներ անցած ֆինանսական տարում աշխատել են ռեկորդային՝ 5.4 մլրդ ֆունտ ստեռլինգ: Նման ցուցանիշին աջակցել են ռուս միլիարդատերերի և խոշոր կորպորացիաների վեճերը: Մասնավորապես, Ռոման Աբրամովիչի փաստաբան Ջոնաթան Սամփշնը ստացել է Մեծ Բրիտանիայի իրավաբանական պրակտիկայի ամենախոշոր վճարը՝ 7.8 մլն ֆունտ ստեռլինգ`ռուս ձեռնարկատեր Բորիս Բերեզովսկու հարուցած հայցի քննության ընթացքում իր պաշտպանության համար:
