Facebook սոցցանցի մամլո ծառայությունը հերքել է որոնողական տեխնոլոգիաների ոլորտում Yahoo!-ի հետ պատրաստվող դաշինքի մասին տեղեկությունը, որը տարածել է The Sunday Telegraph-ը: Այս մասին հայտնում է Vesti-ն:
Հոդվածում ասվում էր, որ Yahoo!-ի գլխավոր տնօրեն Մարիսա Մայերը և Facebook-ի գործադիր տնօրեն Շերիլ Սանդբերգը բանակցություններ են անցկացնում ինտերնետ-որոնման ոլորտում ավելի սերտ համագործակցության պայմանների շուրջ:
«Օգտատերերը Facebook-ից ակնկալում են որոնողական ծառայության հիանալի աշխատանք, մենք շարունակում են այդ ուղղությամբ աշխատել և ջանքեր ենք ներդնում՝ արդարացնելու այդ սպասումները: Սակայն մենք բանակցություններ չենք անցկացնում որոնման ոլորտում որևէ գործընկերության մեջ մտնելու վերաբերյալ»,- ասված է ընկերության հայտարարությունում:
Այժմ Facebook-ն ու Yahoo!-ն ակտիվորեն համագործակցում են Microsoft ընկերության մշակած Bing որոնողական համակարգի հետ:
