Թուրքական Haberler.Com կայքի փոխանցմամբ՝ Թուրքիայի վարչապետ Ռեջեփ Էրդողանը Եգիպտոսից վերադառնալիս լրագրողների հետ զրույցում հերքել է լրատվամիջոցներում տեղ գտած այն տեղեկատվությունը, որ իշխանություններն Օջալանին ինչ-որ բան են խոստացել այն բանի դիմաց, որ Օջալանը թուրքական բանտերում հացադուլ անող հարյուրավոր քրդերին կոչ արեց դադարեցնել ակցիան.
«Այդպիսի բան չկա: Մենք ծրագիր ունենք Հարավ-արևելքի մասին, մեր կուսակցության ծրագիրը, որն ուղղված է տվյալ տարածաշրջանի խնդիրների լուծմանը: Մենք ջերմորեն չենք ընդունում, որ փաստաբանները շարունակ հանդիպեն Օջալանի հետ, սակայն նրա ընտանիքը կարող է ամեն պահի տեսակցել նրա հետ»:
Ինչ վերաբերում է Սիրիայի հետ սահմանին Patriot զենիթա-հրթիռային համալիրների տեղակայմանը, ապա Էրդողանը հայտարարել է, որ Թուրքիան ամեն պահի կարող է այդ հարցով դիմել ՆԱՏՕ-ին: Էրդողանը հավելել է, որ մոտ ժամանակներս հանդիպելու է ԱՄՆ նախագահ Բարաք Օբամայի հետ: