Բժիշկները «բուերի» և «արտույտների» մոտ գենետիկ տարբերություններ են հայտնաբերել՝ որոշելով, որ ԴՆԹ-ն սահմանում է ոչ միայն քնի ռեժիմը, այլ նաև մահվան ժամը: Ապագայում գիտնականները կարող են ավելի օգտակար եզրակացություններ անել. օրինակ այն մասին, թե տարբեր գենետիկական տվյալներ ունեցող մարդկանց որ ժամին է ավելի նպատակահարմար դեղորայք ընդունել և որ ժամին աշխատել:
Արթնալու մեր սովորության համար պատասխանատու է Period 1 գենի մոտ գտնվող մոլեկուլը, որի հիմքը որոշ մարդկանց մոտ ադենինն է (A), իսկ ոմանց մոտ էլ գուանինը (G), գրում է The Daily Mail-ը՝ հղում անելով Annals of Neurology: Պարզվել է, որ ըստ այդմ՝ մարդիկ բաժանվում են երեք տիպի. AA, GG և խառը`AG: «AA գենոտիպով մարդիկ բնական պայմաններում մեկ ժամ շուտ են արթնանում, իսկ AG-ով մարդիկ`կես ժամ շուտ, քան GG-ով մարդիկ»,- հոդվածը մեջբերում է Inopressa.ru-ն:
«Արտույտ» AA ծնվելու հավանականությունը կազմում է 36 տոկոս, «բու» GG`16 տոկոս, իսկ AG`48 տոկոս:
