Պեկինում՝ Չինական մեծ պատի վրա, այսօր գիշեր ցրտահարությունից 2 զբոսաշրջիկ է մահացել: Այս մասին հաղորդում է Interfax-ը՝ վկայակոչելով տեղի ԶԼՄ-ները: Կիրակի օրը Պեկինի 7 բնակիչներից կազմված խումբը մեկնել էր տեսնելու աշխարհի 7 հրաշալիքներից մեկը:
Պատը նվաճելու համար զբոսաշրջիկները ընտրել են այն հատվածը, որը գտնվել է ծովի մակերևույթից 1100 մետրի վրա:
Զբոսաշրջիկները վատ եղանակի ու իրենց ուժերը չհաշվարկելու հետևանքով չեն կարողացել իջնել Չինական պատի վրայից:
Խմբի անդամները իրենց խնդիրների մասին հաղորդել են փրկարարներին, սակայն չեն կարողացել հստակ նկարագրել այն վայրը, որտեղ գտնվել են: Երբ փրկարարները տեղ են հասել, 2 մարդ՝ մոտ 60 տարեկան մի տղամարդ ու 49-ամյա մի կին, ցրտահարությունից արդեն կորցրել էին գիտակցությունը:
Փրկարարները վերջիններիս տեղափոխել են հիվանդանոց, սակայն նրանց կյանքը փրկել չի հաջողվել: Մյուսների կյանքին վտանգ չի սպառնում:
