Կանեփի միջազգային «Կաննաբիսի գավաթ» (Cannabis Cup Awards) փառատոնն անցկացվում է Ամստերդամում նոյեմբեր ամսվա երրորդ շաբաթ օրը: Այս տոնը նշելու նախաձեռնողը ամերիկայն High Times ամսագիրն է, որը նաև ամեն տարի կազմակերպում է մարիխուանայի աշնանային բերքահավաքի փառատոնը: Ամսագրի ջանքերով Ամստերդամում իրականացվել է այնպիսի միջոցառում, ինչն անհնար է Ամերիկայում:
Փառատոնի ժամանակ ցուցադրվում է մարիխուանայի աճեցման տեխնոլոգիայի վերջին ձեռքբերումները: Միջազգային ժյուրին հաղթողին ընտրում է անվերջանալի համտեսումներից հետո: Մրցանակները բաշխվում են «ամենալավ սրճարան-խանութ», «ամենալավ հաշիշ», «ամենալավ կանեփային արտադրանք», «ջերմոցում աճեցված ամենալավ թուփ», և «մարիխուանայի ամենլավ տեսակ» անվանակարգերում:
Գնահատվում է արտադրանքի տեսքը, հոտը և համը, ինչպես նաև՝ ազդեցությունը: Հաղթողը ստանում է անցողիկ ոսկե գավաթ: Համտեսումներն ուղեկցվում են համերգներով և երեկույթներով: Ժյուրիի անդամների թիվը սահմանափակվում է երկու հազարով, այպես որ հայտերը պետք է նախօրոք ներկայացնել:
Նիդեռլանդներում օրինական համարվում է միայն թեթև թմրանյութերի օգտագործումը, որոնք ֆիզիկական կախվածություն չեն առաջացնում՝ մարիխուանա և որոշ բուսական հոգեմետներ, օրինակ՝ որոշ տեսակի սնկեր և կակտուսներ: Դրանք վաճառվում են խանութ–սրճարաններում, որտեղ արգելված է ծանր թմրանյութերի և ալկոհոլի օգտագործումը, ինչպես նաև մինչև 18 տարեկանների մուտքը:
