Օքլենդի միջազգային օդանավակայանում ձերբակալել են մի ուղևորի, որը պայթուցիկի նմանվող արտասովոր ձեռքի ժամացույց է ունեցել՝ հաղորդել է Associated Press-ը: Միջադեպը տեղի է ունեցել նոյեմբերի 16-ին:
Կալիֆոռնիայի 49-ամյա բնակիչ Ջեֆրի Կաքգանը ստուգման ժամանակ գրավել է ոստիկանների ուշադրությունը: Նրա ձեռքի ժամացույցը մեծ սարքավորում է եղել՝ լարերով և անջատիչներով: Օդանավակայանի աշխատակիցները ձերբակալել են Մաքգանին և ոստիկանություն են կանչել:
Դեպքի վայրը շրջափակվել էր, սակայն դեպքի վայր ժամանած ականազերծողները հայտնել են, որ ժամացույցն անվտանգ է: Չնայած դրան, Մաքգանը ձերբակալվել և մեղադրվել է պայթուցիկ պատրաստելու համար նյութերի պահպանման համար:
Տեղի ոստիկանության ներկայացուցչի խոսքերով՝ Մաքգանը պնդում է, որ ինքը նկարիչ է, իսկ ժամացույցը արվեստի գործ է: Ոստիկանը նաև հայտնել է, որ տղամարդը չափազանց մեծ համարի կոշիկներ է հագել:
