Ճապոնական Sony ընկերությունն այսօր հայտարարել է, որ PlayStation 3 խաղային ապարատների վաճառքն ամբողջ աշխարհում 6 տարում հասել է 70 մլն օրինակի: Այս մասին հայտնում է techcrunch տեխնոբլոգը:
Համեմատության համար՝ Sony-ի ապարատի մրցակիցը՝ Microsoft ընկերության Xbox 360-ը վաճառքի ծավալը հատել է 70 միլիոնի նշագիծը դեռևս այս տարվա սեպտեմբերին:
Sony-ն նաև հայտարարել է, որ Microsoft Kinect-ի և Nintendo Wii Remote-ի մրցակիցը հանդիսացող իր PlayStation Move controller-ը, որը ղեկավարվում է շարժումների օգնությամբ, նոյեմբերի 11-ի տվյալներով՝ գրանցել է 15 մլն վաճառքի ցուցանիշ: Move controller-ը թողարկվել է 2010-ի սեպտեմբերին:
Խաղային ապարատների շարքում առաջատարի դերը շարունակում է պահպանել Nintendo Wii-ն, որը թողարկվել է 2006 թվականին և սեպտեմբերի վերջի տվյալներով՝ աշխարհում իրացվել 97.18 մլն օրինակով:
