Յոհանեսբուրգի համալսարանը հայտարարել է, որ կպատժի ավելի քան 500 ուսանողի, որոնք բաց են թողել քննությունները՝ ներկայացնելով կեղծված բժշկական տեղեկանքներ:
Ինչպես այսօր գրում է Saturday Star թերթը, որոշ տեղեկանքներ ստորագրված են եղել Դոկտոր Դրեի և Ուիզ Խալիֆայի անուններով, որոնք իրականում ամերիկացի հայտնի ռեփերներ են:
Ընդհանուր առմամբ, քննությունները բաց է թողել 520 ուսանող, հետաքննությունը նրանցից 450-ի նկատմամբ ավարտվել է: Նրանց սպառնում է մի քանի տեսակի պատիժ՝ 3 տարով ուսում ստանալու իրավունքից զրկում մինչև պայմանական հեռացում համալսարանից, որը օրինական ուժ կստանա 12 ամսվա ընթացքում կարգապահական խախտման դեպքում:
