ԱԺ ՀԱԿ խմբակցության պատգամավոր Գագիկ Ջհանգիրյանը հունիսի 12-ին Դատական օրենսգրքում փոփոխություններ և լրացումներ կատարելու մասին օրենքի նախագծի քննարկման ժամանակ նշեց, որ սրանով դատական համակարգի անկախության կոմպոնենտը փորձում են ավելացնել: Պատգամավորը, սակայն, զարմացած էր բոլոր խմբակցությունների անտարբերության վրա, քանի որ հարցն, ի վերջո, առնչվում է յուրաքանչյուր քաղաքացու:
«Դատական իշխանություն` ինքնուրույն, անկախ, եթե մենք չունենանք, որևէ ծրագիր, որևէ առաջընթաց ես բացառում եմ: Մարդը, իր իրավունքները պիտի պաշտպանված լինեն անկողմնակալ և անաչառ դատարանի կողմից, ցավալի է, որ մենք սենց կիսադատարկ դահլիճում ենք էս նախագիծը քննարկում»,- ասաց նա:
Ջհանգիրյանը նշեց, թե ուզում են ստեղծել ևս մի մարմին` գնահատման մարմին, և ասում են` ուզում են առաջխաղացման համար օբյեկտիվ չափանիշներով ղեկավարվել: «Այ սիրելիներս, մենք ջրից դուրս ենք գալիս, ընկնում ջչրհորը. հիմա մի հատ էլ գնահատման հանձնաժողով ենք կազմում, էլի փառք է, որ ամենամյա գնահատումները գոնե դարձան երեքամյա, որ էլի խայտառակ բան է, քանի որ դատախազությունում երեք տարին մեկ բոոր դատավորներին ատեստացիա ենք անում, պարտադիր»,- ասաց նա` նշելով, որ դատավորներին ընդունում են այնպես, ինչպես գործադիր մարմնի աշխատակիցներին:
