Մարքսիստական կուսակցության նախագահ Դավիթ Հակոբյանը Ազգային ժողովի ոչ իշխանական չորս ուժերին անվանում է բրեմենյան քառյակ․ «Քաղաքական ավանտյուրիզմից բացի՝ ոչինչ չենք տեսնում»,- ասաց Հակոբյանը «Առաջին լրատվական»-ի հետ զրույցում՝ անդրադառնալով քառյակի 12կետանոց պահանջներին:
Նրա խոսքով՝ մենք այսօր խոր դիվանագիտական ճգնաժամի առաջ ենք կանգնած, փոխանակ խորհրդարանական հատուկ արտահերթ լսումներ պահանջեն՝ Եվրասիական միությո՞ւն, թե՞ Եվրամիություն հարցադրմամբ․ «Նրանք քաղաքապետարանի ավագանու ֆունկցիաներն են իրենց վրա վերցրել՝ կարմիր գծերով են զբաղված։ Գոնե ասեին՝ այդ կարմիր գծերը և բոլոր շահ հետապնդող այսպես կոչված առավելությունները պետականացնեն և գանձարանի համալրման աղբյուր դարձնեն: Քննարկում են՝ տույժերը շատ են, թե քիչ, իբր ուզում են ժողովրդին ցույց տան, որ պայքարում են իշխանությունների դեմ»:
Դավիթ Հակոբյանը, մատանանշելով նրանց, ասաց՝ չկա ավելի պիղծ բան քաղաքականության մեջ, քան կեղծ ընդդիմություն խաղալը:
Մանրամասները՝ մեր տեսանյութում։