Google կորպորացիան որոշել է ընդլայնել իր գործունեության շրջանակը ու դառնալ ինտերնետ-պրովայդեր: IT-հսկայի վստահեցմամբ՝ այն 100 անգամ արագ կլինի սովորական պրովայդերների առաջարկներից:
Google-ի ցանցին առաջինը միացել է Կանզաս նահանգը:
Հարկ է նշել, որ մինչ ինտերնետ-հսկայի գործարկումը` տեղի է ունեցել Google Fiber նախագծի երկու նորությունների զանգվածային գովազդային արշավ:
Նոր ցանցը իրարանցում է առաջացրել` չնայած այն բանին, որ Google-ի սակագները այնքան էլ մատչելի չեն՝ բաժանորդավճարը ամսական 70 դոլար է: Այդ գումարը հնարավորություն է տալիս միանալ 1 գիգաբայթ արագությամբ ինտերնետին ու 1 տերաբայթ չափերով վիրտուալ սկավառակին:
Բացի այդ՝ եթե փաթեթին էլ ներառվի առցանց հետուստատեսությունը, ապա գինը կբարձրանա մինչև 120 դոլար:
Այնուհանդերձ, նախագծի նկատմամբ հետաքրքրությունն այնքան մեծ է, որ բնակչության 90 տոկոսը համաձայնել է վճարել գերարագ ինտերնետի համար:
Ի դեպ, Google-ի ներկայացուցիչները անձամբ են այցելում հաճախորդներին` նրանց պատմելով ցանցի առավելությունների մասին: